Te Kaitataki Tama Tane, Te Kaitataki Tama Wahine

Ko Okena Simon - Te Rarawa ki ro whare! Te kaitataki tamatane o te roopu Nga Mahuri 2009

Ko Raninikura Waitai Henare - Te Pupu Harakeke o Ngati Kuri - Te kaitataiki tamawahine o te roopu Nga Mahuri 2009

Whangara Mai Tawhiti - Paikea - Whitireia

Te moutere e kii anei, ko te tohora o Paikea!

Te Wharekai, te Whare Huihuinga, te Whare kei reira a Whangara Mai Tawhiti e whakaharatau ana, me Nga Mahuri!

Ko te tupuna whare, ko Te Waho o Te Rangi

Ko te tupuna whare puni, ko Paikea, ko Whitireia

Ko Paikea tangata!

Anei nga whakaahua o to tatou nohonga ki Whangara Mai Tawhiti - he wahi ataahua, he wahi tapu - he honore nui ki a matou te noho ngatahi matou i raro i te tupuna o Paikea, o Waho te Rangi - te marae o Whitireia, Ngati Konohi - he mihi nui ki a ratou.

Te Tapuwae o Rongokako - Taonga Pumau, Taonga Tangaroa!

Ko Okena, i korero whakamihi/poroporoakihia i a ratou i whakamana i a matou

Nga Kaiwhakaako, Kaiwhakahaere, mai te taha maui - Ko Whaea Peeti, ko Whaea Sheridan, ko Whaea Nikki

He whakaahua nei o o matou tamariki e mau kirirua ana

I a matou i Whangara, i whakaritea matou te taha i a Whaea Sheridan, i a Whaea Peeti, i a Whaea Nikki, i te kaupapa o te Taonga Pumau - te whakatiaki mai matou i o matou taonga o Tangaroa Moana, kia mau, kia pumautia - hei oranga mo matou katoa, otira mo o matou tamariki, me nga hekenga whakapapa kei mua i a matou.

Kore matou i mutu i nga mihi whakanui ki a ratou kua tatu mai mo te kawenga o tenei kaupapa whakahirahira ki Whangara mai Tawhiti, ki te Tapuwae o Rongokako.

Ahakoa kei wahi ke atu, i whakatu tenei kaupapa ki roto i nga ana o Paikea, o Rongokako - e ko Rongokako ka moe ki a Muriwhenua, ka puta ki waho ko Kahungungu - nga tukemata!

Haere tonu to matou kaupapa o te Taonga Pumau hei nga wiki tatu mai i mua i to matou aroaro, heoi ano, nga mihi ki te roopu Whakamana Moana a Tangaroa (Tautiaki), ki a Te Rarawa ki a Nikki hoki me tona kamupene.

Papa Teimana

Nga Whakaahua o Te Tira Tuawhitu o Aotearoa

Nga Kaiako/Pouako Rangatira o to matou tira o Nga Mahuri - Papa Chris raua ko Whaea Sandra

Te Tira Toa o Nga Tama Tane o Nga Mahuri - Nga Hoia Pioke!

Nga Tama Wahine Toa o Nga Mahuri 

Kei runga noa e Nga Mahuri - kei a koutou te taumata tuawhitu o te motu ..

Hi - Ha!

Nga Mahuri 09 ki Kapa Haka a Motu - Turanga

Mauri ora, mauri mana!

He mihi whanui atu ki nga tini me nga mano e tautoko rawa mai i a matou me to matou haerenga ki Turanga, otira ki Tauranga Moana, ki Whangara Mai Tawhiti ... kore matou i mutu i nga mihi ki a koutou.

Anei etahi whakaahua hei whakakinaki i nga whakaaturanga o to matou hikoi, mai to matou kainga o Muriwhenua, ki te ana o Rongokako, ki nga uri o Paikea, o Horouta, Rongowhakaata, Te Aitanga a Mahaki, Te Aitanga a Hauiti ... 

A tera wiki, kia whakaatu kaha mai a Northland Age i nga korero kua tuhia e nga tamariki e pa ana ki to tatou haerenga tawhiti - no reira, kia kaha a tera wiki te hokonga mahere mai.

Nga mihi maha ... 

Papa Teimana